ရုရှားသည် ၎င်း၏နယ်စပ်များတွင် ဖြစ်ပေါ်နေသည့်ပဋိပက္ခများအတွင်း ဆွဲသွင်းခံရနိုင်သည့်အန္တရာယ် မြင့်မားနေပြီး နျူစစ်ပွဲဘက်သို့ လှည့်သွားနိုင်သည့် အလားအလာရှိနေကြောင်း ရုရှားစစ်ဘက်ထိပ်တန်းအရာရှိက နိုဝင်ဘာလ ၁၇ ရက်နေ့က ပြောကြားခဲ့သည်။
နေတိုးအဖွဲ့၏ အရှေ့ဘက်သို့ နယ်ပယ်ချဲ့ထွင်လာခြင်းနှင့် ဒေသဆိုင်ရာပဋိပက္ခများထဲသို့ ရုရှားဆွဲသွင်းခံနေရမှုမှာ သိသိသာသာ မြင့်မားလာကြောင်း ရုရှားစစ်ဦးချုပ် ဗိုလ်ချုပ်ကြီး နီကိုလိုင်မာကာရော့ဗ်က သတိပေးခဲ့ သည်။
အချို့အခြေအနေများအရ ဒေသဆိုင်ရာနှင့် ပြည်တွင်းပဋိပက္ခများမှသည် နျူလက်နက်များပါဝင်သည့် မီးကုန်ယမ်းကုန်ဆင်နွှဲသည့် စစ်ပွဲကြီးတစ်ခုဖြစ်လာနိုင်ကြောင်း မာကာရော့ဗ်က ပြောကြားခဲ့သည်။ ရုရှားအပေါ် သို့မဟုတ် ရုရှား၏ မဟာမိတ်အပေါ် နျူလက်နက်ဖြင့် တိုက်ခိုက်ပါက ရုရှားကလည်း နျူလက်နက်ဖြင့် တုံ့ပြန်တိုက်ခိုက်သွားမည်ဖြစ်သည့်အပြင် အကယ်၍ ရုရှားတည်ရှိမှုကိုခြိမ်းခြောက်သည့် သမားရိုးကျ လက်နက်ကြီး များဖြင့် တိုက်ခိုက်လာလျှင်လည်း နျူလက်နက်ဖြင့် တုံ့ပြန်နိုင်ကြောင်း ရုရှားစစ်ရေးပေါ်လစီတွင် ဖော်ပြထားသည်။
နေတိုးအဖွဲ့သည် ဥရောပအရှေ့ပိုင်းနှင့် အလယ်ပိုင်းရှိ ယခင်ဆိုဗီယက်အုပ်စုဝင် သမ္မတနိုင်ငံများကို ၀င်ခွင့်ပြုခြင်း၊ ယူကရိန်းနှင့် ဂျော်ဂျီယာနိုင်ငံတို့ကို ၎င်းတို့၏ အဖွဲ့သို့ ၀င်ခွင့်ပြုရန် စီစဉ်နေမှုအပေါ် ၎င်းက သတိပေး ခဲ့သည်။
အာဖဂန်မှ နေတိုးတပ်ဖွဲ့များ ဆုတ်ခွာပါက အိမ်နီးချင်း ဆိုဗီယက်အုပ်စုဝင် နိုင်ငံများဖြစ်ခဲ့သည့် ဗဟိုအာရှနိုင်ငံများတွင် ပဋိပက္ခများ ဖြစ်ပွားလာနိုင်ပြီး စစ်ပွဲကြီးတစ်ခုဖြစ်လာနိုင်ကြောင်းလည်း သတိပေးခဲ့သည်။
Ref:AP
0 comments:
Post a Comment
Commemr ပေးသွားခြင်းဖြင့်လည်းအားပေးနိုင်ပါတယ်