မြန်မာနိုင်ငံ၌ ရှေးဟောင်း အထိမ်းအမှတ် အဆောက်အအုံအဖြစ် မသတ်မှတ်သေးသော်လည်း ဗိသုကာ ပညာရပ်ဆိုင်ရာအရ ထိန်းသိမ်းထားသင့်သည့် အဆောက်အအုံများစွာ ကျန်ရှိနေကြောင်း ဗိသုကာပညာရှင်များထံမှ သိရှိရသည်။
ထို့ပြင် မြန်မာနိုင်ငံအတွင်းရှိ ရှေးဟောင်းယဉ်ကျေးမှု အမွေအနှစ် အဆောက်အအုံများကို ရှေးမူမပျက် ထိန်းသိမ်းရေးလုပ်ငန်းများ ဆောင်ရွက်သွားရာ၌ ပုဂံ၊ ပင်းယ၊ အင်းဝ၊ မြောက်ဦး၊ သရေခေတ္တရာပြည်၊ စလင်း၊ စလေနှင့် မန္တလေးမြို့စသည့် ဒေသများကို ဦးစားပေး ဆောင်ရွက်သွားမည်ဖြစ်ကြောင်းလည်းသိရသည်။
ဗိသုကာပညာရှင် ဦးဆန်းဦးက “လက်ရှိအချိန်မှာ ပုဂံ၊ ပင်းယ၊ အင်း ၀ စသဖြင့်ဒေသတွေက ရှေးဟောင်း အဆောက်အအုံတွေကို ထိန်းသိမ်းနိုင်ဖို့ စတင်ဆောင်ရွက်နေကြပါပြီ။ ရှေးဟောင်းစာရင်း မ၀င်သေးတဲ့၊ ရှေးဟောင်း သုတေသနဌာနက သတိမပြုမိသေးတဲ့ အဆောက်အအုံတွေ မြန်မာနိုင်ငံဒေသ တော်တော်များများမှာ ရှိနေပါသေးတယ်။ ဗိသုကာတန်ဖိုးရှိနေတဲ့ အရမ်းကို တန်ဖိုးကြီးမားပြီး ဗိသုကာရှုထောင့် အရ ထိန်းသိမ်းထားသင့်တဲ့ အဆောက်အအုံတွေ အများကြီး ရှိနေပါသေးတယ်”ဟုလည်း ပြောကြားခဲ့သည်။
ဆက်လက်ပြီး ဦးဆန်းဦးက “နယ်တွေမှာ ဒီလိုအဆောက်အအုံ တွေရှိနေတာကို ဒေသခံတွေကမသိကြတော့ စပါးတွေဝင်လှန်းကြ၊ ပစ္စည်း တွေထားကြနဲ့ မြင်လို့မကောင်းအောင် ဖြစ်နေတယ်။ ဒါတွေကို သေချာစိစစ်ပြီး မှတ်တမ်းတင် ထားနိုင်မယ်ဆိုရင် အဖိုးမဖြတ်နိုင်တဲ့ ဗိသုကာလက်ရာ တွေနဲ့ အဆောက်အအုံတွေပါ”ဟု လည်း ပြောကြားခဲ့သည်။
ရှေးဟောင်း အဆောက်အအုံများ ထိန်းသိမ်းရေးလုပ်ငန်းနှင့် ပတ်သက်သည့် ညှိနှိုင်းဆွေးနွေးပွဲ အခမ်းအနားကို နိုဝင်ဘာလ ၁၁ ရက်နေ့က မြန်မာနိုင်ငံ အင်ဂျင်နီယာအသင်း၌ ကျင်းပခဲ့ကြောင်းလည်း သိရှိရသည်။
“ရန်ကုန်မှာဆိုရင် ရှေ့နေချုပ်ရုံးကို ရှေးဟောင်း အဆောက်အအုံ အဖြစ်ထိန်းသိမ်းထားမယ် ဆိုပါတော့။ ရှေ့နေချုပ်ရုံး တစ်ခုတည်းမဟုတ်ဘဲ ဧမာနွေလဘုရားကျောင်းတို့၊ ဗစ်တိုးရီးယားပန်းခြံ (ယခုမဟာဗန္ဓုလပန်း ခြံ)တို့အထိ ပတ်ဝန်းကျင်တစ်ခုလုံးကို ထိန်းသိမ်းထားမယ်ဆိုရင် တစ်ခုချင်း ထိန်းသိမ်းတာထက် ရှေးဟောင်းနဲ့ ပတ်သက်တဲ့ atmosphere တစ်ခုလုံး ကိုရရှိနိုင်မှာပါ။ ရန်ကုန်စာတိုက်ကြီးဆိုလည်း စာတိုက်ကြီးတင် မဟုတ်ဘဲ ဆက်စပ်နေတဲ့ ဗြိတိသျှသံရုံး၊ Strand Hotel၊ သြစတြေးလျသံရုံးစတဲ့ အ၀န်းအ၀ိုင်းအထိကို ရှေးဟောင်းနယ် မြေပုံစံမျိုးထိန်းသိမ်းတာမျိုးက ပိုကောင်းပါတယ်”ဟုလည်း ရန်ကုန်မြို့မှ ရှေးဟောင်း သုတေသနဌာန အငြိမ်းစားဝန်ထမ်း တစ်ဦးက ပြောကြားခဲ့သည်
No comments:
Post a Comment
Commemr ပေးသွားခြင်းဖြင့်လည်းအားပေးနိုင်ပါတယ်