အစ္စရေးကာကွယ်ရေးဝန်ကြီး အီဟက်ဘာရက်က အီရန်နိုင်ငံအား နျူကလီးယား လက်နက်ထုတ်လုပ်မှု မပြုနိုင်အောင် အရေးယူမှုများ ပြုလုပ်ရမည်ဖြစ်ကြောင်း နိုဝင်ဘာလ ၂ဝရက်နေ့တွင် နှိုးဆော်လိုက်ကြောင်း သိရသည်။ သို့သော် သူ့အား အစ္စရေးနိုင်ငံအနေဖြင့် အီရန်နိုင်ငံအား စစ်ရေးအရ တိုက်ရိုက်တိုက်ခိုက် မှုပြုလုပ်ပါမည်လားဟု မေးမြန်းရာတွင် သူကယင်းကိစ္စမှာ ပြည်သူအများ ဆွေးနွေးရမည် ကိစ္စဖြစ်သည်ဟု ရှောင်လွှဲပြောဆိုသွားခဲ့သည်။ သို့သော်သူက အိုင်အေအီးအေ၏ အီရန်နိုင်ငံ၏ နျူကလီးယား ကိစ္စနှင့် ပတ်သတ်သော အစီရင်ခံစာသည် ကမ္ဘာ့ခေါင်းဆောင်များနှင့် ကမ္ဘာ့ပြည်သူများအပေါ် စိုးရိမ်ဖွယ် ရိုက်ခတ်ခဲ့ရာ အရေးကြီးသော အချိန်ရောက်ပြီးဖြစ်ကြောင်း ကမ္ဘာ့ပြည်သူများ အားလုံး နားလည်သဘောပေါက် ပါသည်ဟုပြော ကြားခဲ့သည်။ နိုဝင်ဘာလ ၈ရက်နေ့က နိုင်ငံတကာ အဏုမြူအေဂျင်စီ(အိုင်အေအီးအေ) က အီရန်နိုင်ငံသည် နျူကလီးယား လက်နက်ထုတ်လုပ်ရန် ကြံစည်နေကြောင်း ယင်း၏ အစီရင်ခံစာ၌ ဖော်ပြခဲ့သည်။
No comments:
Post a Comment
Commemr ပေးသွားခြင်းဖြင့်လည်းအားပေးနိုင်ပါတယ်