အောင်မြင်သော တေးသီချင်းများ၏ နောက်ကွယ်က

ကမ္ဘာကြီးဟာ ရွာတစ်ခုလို ဖြစ်လာပါပြီ။ အချိန်မရွေး သွားလာ ဆက်သွယ်နိုင်တဲ့အတွက် ဘယ်လောက် ဝေးကွာတဲ့ကမ္ဘာတစ်ခြမ်းပဲ ဖြစ်နေပါစေ၊ အချိန်မရွေး အွန်လိုင်းပေါ်မှာ တွေ့ဆုံနိုင်၊ စကားပြောနိုင်တဲ့ နည်းပညာရဲ့ခေတ်မီ တိုးတက်မှုတွေက ဘယ်လောက်ဝေးဝေး အနီးလေးဖြစ်စေလို့ လာခဲ့ပါတယ်။ ဒါပေမယ့် အဲဒီနေ့စဉ်နဲ့အမျှ ပြောင်းလဲနေတဲ့ ခေတ်မီတိုးတက်မှုတွေ အတွက်ပဲ အနီးဆုံးလူတွေဟာလည်း ရေခြားမြေခြား အဝေးဆုံးကို ထွက်ခွာနေကြရတာပါပဲ။
အခုနောက်ပိုင်းမှာ နိုင်ငံရပ် ခြားရောက်နေတဲ့ ချစ်သူကိုလွမ်းနေရတဲ့ ရေမြေခြားအလွမ်း အဖြစ်အပျက်တွေဟာ ပိုပြီးများလာပါတယ်။ ရေမြေခြား အလွမ်းအကြောင်း ရေး စပ်ထားတဲ့ သီချင်းတွေလည်း အများအပြား ပေါ်ထွက်လို့လာပါတယ်။ အဲဒီသီချင်းတွေထဲကမှ သီချင်းလေး တစ်ပုဒ်ကို ဒီတစ်ပတ်ရဲ့ တေးသီချင်း နောက်ကွယ်ကဏ္ဍမှာ တင်ဆက်ပေးချင်ပါတယ်။
“ညတွေနင်နဲ့တွေ့လို့ ပျော်နေမိတယ် VZO ထဲမှာ။ ငါတို့ နှစ် ယောက်ရဲ့ဆုံနိုင်ခွင့်က ဒီထက်မပိုခဲ့ပါ။ နင်ပြန်လာမယ့် နေ့ရက်တွေကို ရေတွက်လို့အမြဲ။ စာကျက်မရလည်း စိတ်ညစ်ပြီးတော့ နင်ထပ်မငိုနဲ့။ အွန်လိုင်းမှာ နင်မရှိတဲ့အခါ ဘယ်သူနဲ့မှ ငါမ chat ပါဘူး။ ငါတို့နှစ်ယောက် ကြားနာရီတွေက မိနစ် ၉၀ ခြားပါတယ်--- ငါ့အတွက် နင်မပူပါနဲ့။ နင်ကစင်ကာပူမှာပဲ။ ညတိုင်းငါ့မှာ နင့်ကြောင့်အိပ်မရ ရင်ပူတာ အမြဲ” အစရှိတဲ့ သီချင်းစာသားတွေနဲ့အတူ အွန်လိုင်းကတစ်ဆင့် တစ်မြေစီခြားနေပြီး ခံစားချက်ရှိတဲ့ ပရိသတ်တွေရဲ့ အားပေးမှုကိုရရှိခဲ့တဲ့ ‘စလုံးကချစ်သူ’ ဆိုတဲ့ သီချင်းလေးဖြစ်ပါတယ်။
Right Here Waiting For You သီချင်းနဲ့အတူ ပေါင်းစပ်ရေးဖွဲ့ထားတဲ့ ‘စလုံးက ချစ်သူ’ သီချင်းကို ရေးစပ်ပြီး သီဆိုသူကတော့ Nine One ဖြစ်ပြီး ဒီသီချင်းဟာ Nine One ရဲ့ ကိုယ်တွေ့ခံစားချက်ကို သီချင်းအဖြစ် ရေးစပ်ထားတာ ဖြစ်တယ်လို့ သိရပါတယ်။
“ ဒီသီချင်းကို ကျွန်တော်ရေးခဲ့တာ လွန်ခဲ့တဲ့ ခြောက်နှစ်လောက်က ပါ။ အဲဒီအချိန်တုန်းက စင်ကာပူမှာ ရှိတဲ့ သူတစ်ယောက်အတွက် မွေးနေ့ လက်ဆောင်အဖြစ် ပေးဖို့ ရေးခဲ့တာပါ။ အွန်လိုင်းမှာပျံ့သွားပြီး ပရိသတ် ကကြိုက်ကြတဲ့အခါမှာ အရမ်းအံ့သြခဲ့ရတယ်”လို့ Nine One က ပြောပြခဲ့ပါတယ်။
အဲဒီလို ‘စလုံးကချစ်သူ’သီချင်း ဟာ အွန်လိုင်းမှာပျံ့သွားပြီး စင်ကာပူ အခြေစိုက် အွန်လိုင်းရေဒီယို အစီအစဉ်မှာ ၂၀၀၈-၂၀၀၉ ခုနှစ်ရဲ့တစ်ကမ္ဘာလုံးမှာရှိတဲ့ မြန်မာပရိသတ် တောင်းဆိုမှု အများဆုံးနံပါတ် ၁ ကို ရခဲ့တဲ့ သီချင်းတစ်ပုဒ် ဖြစ်ခဲ့တယ်လို့လည်း သိရပါတယ်။
“အဲဒီအချိန်တုန်းက ကျွန်တော်က အခွေလုပ်နေတဲ့အချိန်ပါ။ အခွေမထွက်ခင်ဘဲ ‘စလုံးက ချစ်သူ’ သီချင်းနဲ့ Nine One ဆိုပြီး ပရိသတ် သိသွားတဲ့အခါကျတော့ ပွဲဦး ထွက်ကောင်းတဲ့ သီချင်းတစ်ပုဒ်လို့ ပြောလို့ရပါတယ်။ ဒီသီချင်းကို ရှိုးပွဲတိုင်းလိုလိုမှာ ဆိုဖြစ်ပါတယ်။ မဆိုဖြစ်ရင်တောင် ပရိသတ်ကပြန် ပြန်တောင်းတာနဲ့ ဆိုပေးရတယ်။ ဒီသီချင်းက ပရိသတ်တိုင်းလိုလိုနဲ့ ကိုက်ညီခံစားလို့ ရတဲ့သီချင်းတစ်ပုဒ် မဟုတ်ပေမယ့် အားပေးမှုရတဲ့ အတွက်ဝမ်းသာရပါတယ်”လို့ သီချင်းနဲ့ပတ်သက်ပြီး Nine One က အမှတ်တရ ပြောပြခဲ့ပါတယ်။