သမ္မတဟောင်းအာရိုယိုအား ထောင်ထဲတွင် ထားသင့်သည်ဟု ဖိလစ်ပိုင်သမ္မတ အကွီနို ပြောကြား

ဖိလစ်ပိုင်သမ္မတဟောင်း အာရိုယို မနီလာမြို့ရှိ စစ်ဌာနချုပ်တွင် ၂၀၁၀ ပြည့်နှစ်၊ ဇွန်လ ၂၂ ရက်က မိန့်ခွန်း ပြောကြားစဉ် Photo: AFP

ခြစားမှုနှင့် ရွေးကောက်ပွဲတွင် မဲမသမာမှု စွဲချက်များအတွက် ရုံးတင်စစ်ဆေးမှုကို စောင့်ဆိုင်းနေစဉ် ကာလအတွင်း ဖိလစ်ပိုင်သမ္မတဟောင်း ဂလိုရီယာအာရိုယိုသည် ဆေးရုံတစ်ခု၏ အခန်းတွင်ရှိခြင်းထက် ထောင်ထဲတွင်ရှိသင့်သည်ဟု သမ္မတ ဘင်နစ်နိုအကွီနိုက ဇွန်လ ၇ ရက် နေ့တွင် ပြောကြားခဲ့သည်။

အာရိုယို အမှန်တကယ် နာမကျန်းဖြစ်နေခြင်း ရှိ၊ မရှိကို သမ္မတ ဘင်နစ်နိုအကွီနို၏ ပြောခွင့်ရပုဂ္ဂိုလ် Edwin Lacierda က စစ်ဆေးခဲ့ပြီး သူမ၏ အခြေအနေအား သုံးသပ်ရန်အတွက် ဆရာဝန်များကို တိုက်တွန်းခဲ့သည်။

''ကျန်းကျန်းမာမာ ရှိနေတယ်ဆိုရင် သူမကို ထောင်တစ်ခုမှာ ထားသင့်ပါတယ်။ ဟန်ဆောင် နာမကျန်းမှု အကြောင်းတစ်ခုအနေနဲ့ ဆေးရုံမှာ ဖမ်းဆီးမှုကို မလုပ်သင့်ပါဘူး''ဟု Lacierda က ABS-CBN  ရုပ်သံသို့ ပြောကြားခဲ့သည်။

အာရိုယိုသည် ၂၀၀၇ ခုနှစ် ရွေးကောက်ပွဲအတွင်း မဲမသမာမှုပြုမှုနှင့် သမ္မတအဖြစ်ထမ်းဆောင် စဉ်အတွင်း ခြစားခဲ့မှုများ စွဲချက်များဖြင့် ဖမ်းဆီးခံခဲ့ရခြင်းဖြစ်သည်။ အာရိုယိုကမူ အဆိုပါပြစ်မှုများကို ကျူးလွန်ခဲ့ခြင်းမရှိဟု ငြင်းဆိုခဲ့သည်။
အသက် ၆၅ နှစ်အရွယ်ရှိ အာရိုယိုကို အာမခံပေးရန်အတွက် တရားရုံးက ငြင်းဆိုခဲ့သော်လည်း သူမ၏ ကျောရိုးရောဂါကုသရန်အတွက် ဆေးရုံတွင် နေထိုင်ရန် ခွင့်ပြုခဲ့သည်။

Ref: AFP