ကိုင်ရိုမြို့ရှိ တဟီရာရင်ပြင်တွင် 'တော်လှန်ရေး အဆုံးမသတ်သေး' ဟု အဓိပ္ပာယ်ရသော စာသားကို အာရပ်ဘာသာဖြင့် ရေးသားထားမှုအား ဇွန်လ ၇ ရက်က တွေ့ရစဉ် Photo:AFP
ပါတီ ၂၂ ခုမှ ကိုယ်စားလှယ်များနှင့် အီဂျစ်စစ်ဘက်ကောင်စီ ဥက္ကဋ္ဌ ဟူစိန်တန်တာဝီတို့အကြား ဆွေးနွေးပြီးနောက် သဘောတူညီချက် ရခဲ့သည်ဟု တာဝန်ရှိသူများက ပြောကြားခဲ့သည်။ ယင်းအဖွဲ့တွင် လွှတ်တော်တက်နေသူများလည်း ပါဝင်နိုင်ပြီး လာမည့်သီတင်းပတ်၌ ရွေးချယ်ဖွယ် ရှိကြောင်း သိရသည်။
ယခင်ဖွဲ့စည်းခဲ့သော အဖွဲ့တွင် အစ္စလာမ်မစ်ဝါဒီများသာ လွှမ်းမိုးနေသည်ဟုဆိုကာ လစ်ဘရယ်ဝါဒီများနှင့် လောကီသီးသန့်ဝါဒီများက ကန့်ကွက်ခဲ့ပြီးနောက် ယင်းအဖွဲ့ကို ဧပြီ လ ၁၀ ရက်တွင် ဖျက်သိမ်းခဲ့သည်။
ထပ်မံဖွဲ့စည်းမည့်အဖွဲ့တွင် နိုင် ငံရေးသမားများ၊ စစ်တပ်အဖွဲ့ဝင်များ၊ ရဲ၊ တရားရေး၊ ကုန်သွယ်ရေး သမဂ္ဂ၊ မွတ်ဆလင်နှင့် ခရစ်ယာန် ဘာသာရေးခေါင်းဆောင်များ စသည်ဖြင့် အဖွဲ့ဝင် ၁၀၀ ပါဝင်မည်ဖြစ်ကြောင်း သိရသည်။
အခြေခံဥပဒေသစ်ရေးဆွဲမည့် အဖွဲ့ကို ၄၈ နာရီအတွင်း အပြီးဖွဲ့ စည်းရန် စစ်ဘက်ကောင်စီက ဇွန်လ ၅ ရက်တွင် ရာဇသံပေးခဲ့ပြီးနောက် ယခုကဲ့သို့သဘောတူညီမှုရခဲ့ခြင်းဖြစ် သည်။
အဖွဲ့ဝင် ၁၀၀ အနက် ၃၉ နေ ရာကို အစ္စလာမ်မစ်ပါတီများ လွှမ်းမိုးထားသော အောက်လွှတ်တော်မှ အမတ်များအား ရွေးချယ်ဖွယ်ရှိပြီး ခြောက်နေရာကို တရားသူကြီးများ၊ ကိုးနေရာကို ဥပဒေကျွမ်းကျင် ပညာရှင်များ၊ စစ်တပ်၊ ရဲနှင့် တရားရေးဌာနတို့အတွက် တစ်နေရာစီ၊ သမဂ္ဂ များအတွက် ၁၃ နေရာ၊ သြဇာလွှမ်းမိုးမှုရှိသူများအတွက် ၂၁ နေရာ လျာထားကြောင်း ဆွေးနွေးပွဲတက်ရောက်သော ကိုယ်စားလှယ်များကို ကိုးကား၍ အေအက်ဖ်ပီက ဖော်ပြခဲ့သည်။ အခြေခံဥပဒေဟောင်းကို သမ္မတဟောင်း ဟိုစနီမူဘာရက် ရာထူးဆင်းပေးခဲ့ရပြီးနောက် ၂၀၁၁ ခုနှစ် တွင် ဖျက်သိမ်းခဲ့ပြီးဖြစ်သည်။
Ref: BBC
0 comments:
Post a Comment
Commemr ပေးသွားခြင်းဖြင့်လည်းအားပေးနိုင်ပါတယ်