ရုပ်ရှင်ကားကြီးများ၏ ရုံတင်ပြသရက် နှစ်နှင့်ချီ၍ စောင့်ဆိုင်းရသည့် အခြေအနေများကြောင့် ဒီဗီဒီဇာတ်ကားများ ရိုက်ကူးထုတ်လုပ်ရန် စိတ်ပါဝင်စားမှု ပိုမိုလာ

၂၀၁၀ အကယ်ဒမီစစ်ဆေး ကြည့်ရှုရန် စာရင်းဝင်ဇာတ်ကား ဖြစ်သော်လည်း ၂၀၁၁ နှစ်ကုန်ပိုင်းမှသာ ရုံရက်ချိတ် ရရှိထားသည့်

‘အမေ့ကျေးဇူး ဆပ်ဖူးချင်တယ်’ ဇာတ်ကား၏ ဇာတ်ဝင်ခန်း

ရုပ်ရှင်ကားကြီးများ၏ ရုံတင်ပြသရက်များသည် စတင်ရိုက်ကူး ထုတ်လုပ်ချိန်မှ ရုံတင်ပြသချိန်အထိ ခန့်မှန်းခြေတစ်နှစ်မှ နှစ်နှစ်ဝန်းကျင်ခန့် စောင့်ဆိုင်းရမှုများ ရှိလာသောကြောင့် ရုပ်ရှင်ကားကြီးများ ရိုက်ကူး ထုတ်လုပ်ရန် စိတ်ပါဝင်စားမှုမှာ အနည်းငယ်လျော့နည်းသွားပြီး ရုံတင် ပြသရက် အချိန်ကြာမြင့်စွာ စောင့်ဆိုင်း ရန်မလိုသည့် ဒီဗီဒီဇာတ်ကားများအား ရိုက်ကူးထုတ်လုပ်ရန် စိတ်ပါဝင်စားမှုများ ပိုမိုမြင့်တက်လာခဲ့သည် ဟုသတင်းရရှိသည်။

“ဒီနှစ်ကုန်ပိုင်းမှာ ဒီဗီဒီဈေးကွက် သိသိသာသာ ပြန်လည်လှုပ်ရှားလာတာကို တွေ့ရပါတယ်။ အဓိကတော့ ရုပ်ရှင်ကားကြီးတွေက ရိုက်ကူးပြီးချိန်ကနေ ရုံတင်ပြသချိန်အထိ တစ်နှစ်ကနေ နှစ်နှစ်ဝန်းကျင်ထိ စောင့်ဆိုင်းရပါတယ်။ ဒီဗီဒီကတော့ ရုံရက်လွယ်လွယ်ကူကူရနိုင်သလို ကိုယ့်ကား တကယ်ကောင်းမယ်ဆိုရင် လူဝင်မယ်။ ပြီးရင်သိပ်မကြာခင်မှာပဲ အခွေအဖြစ် ပြန်ဖြန့်နိုင်မယ်။ ဒီဗီဒီကရိုက်ကူးနေရင်းနဲ့ သိပ်အားရတယ်ဆိုရင်လည်း ရုပ်ရှင်ကားကြီး အဖြစ်ပြန်ပြောင်းနိုင်မယ့် အခွင့်အလမ်း ရှိတယ်။ ဒီလို အခြေအနေတွေကြောင့် ဒီဗီဒီဇာတ်ကားတွေ ရိုက်ကူးမှုပြန်ပြီး မြင့်တက်လာတယ်လို့ ထင်ပါတယ်” ဟု ဒါရိုက်တာ ကိုဇော်(အရုဏ်ဦး)က ရှင်းပြခဲ့သည်။

လက်ရှိတွင် ရုံတင်ပြသရန် တန်းစီစောင့်ဆိုင်းနေသည့် ရုပ်ရှင်ဇာတ်ကားသစ်များမှာ ၂၀၁၃ နှစ် အထိရောက်ရှိနေပြီ ဖြစ်ကြောင်း သိရှိရပါသည်။