မြောက်ကိုရီးယားနိုင်ငံက အခြားနိုင်ငံများသို့ နျူကလီးယားနည်း ပညာလွှဲပေးမှုသည် အမေရိကန်နှင့် မဟာမိတ်နိုင်ငံများအတွက် ခြိမ်းခြောက်မှုတစ်ခုဖြစ်ကြောင်း အမေရိကန်သမ္မတ ဘာရက်အိုဘားမားက သြစတြေးလျှ လွှတ်တော်၌ နိုဝင်ဘာလ ၁၇ ရက်က ပြောကြားခဲ့သည်။
နျူကလီးယားပြန့်ပွားရေး လုပ်ဆောင်နေမှု၏ အကျိုးဆက်များကို မြောက်ကိုရီးယားနိုင်ငံကသာ အပြည့်အ၀ တာဝန်ယူရမည်ဖြစ်ကြောင်း အိုဘားမားက ပြောကြားခဲ့သည်။
မြောက်ကိုရီးယားနျူစီမံကိန်းများ ဖျက်သိမ်းရေး ဆွေးနွေးပွဲပြန် စတင်ရန်အတွက် ကြိုးပမ်းနေချိန်တွင် အိုဘားမား၏ သတိပေးချက် ထွက်ပေါ်ခဲ့ခြင်းဖြစ်သည်။ မြောက်ကိုရီးယားသည် ၂၀၀၆ ခုနှစ်နောက်ပိုင်း နျူကလီးယား ဗုံး နှစ်လုံးဖောက်ခွဲစမ်းသပ်ခဲ့ပြီး အမေရိကန်သို့ရောက်ရှိနိုင်သော တာဝေး ပစ်ဒုံးကျည်တီထွင်နေကြောင်း ယုံကြည်ရသည်။ ပဲ့ထိန်းဒုံးကျည်အပါအ၀င် နျူကလီးယားနည်းပညာများကို အခြားနိုင်ငံများသို့ မလွှဲပေးရန် မြောက်ကိုရီးယားကို ကုလသမဂ္ဂက ပိတ်ဆို့အရေးယူသည့် ဆုံးဖြတ်ချက် ချမှတ်ထားသည်။
Ref:AP
No comments:
Post a Comment
Commemr ပေးသွားခြင်းဖြင့်လည်းအားပေးနိုင်ပါတယ်