ပရိသတ်နှင့် တစ်သားတည်း ဖြစ်စေသည့် တင်ဆက်မှုများနှင့် Rဇာနည်၏ တစ်ကိုယ်တော် ဖျော်ဖြေပွဲ

ပရိသတ်အကြား ရေပန်းစားသည့် တေးသီချင်းပေါင်းများစွာ၏ ပိုင်ရှင်၊ လွန်ခဲ့သည့် ဆယ်စုနှစ်တစ်ခု ဆီက ပေါ်ထွက်လာခဲ့သည့် Acid အဖွဲ့မှ အဆိုရှင်တစ်ဦး၊ ရှိုးပွဲတိုင်းတွင် ပေါက်သီချင်းပေါင်းများစွာနှင့် မနားတမ်းဆိုရလေ့ရှိသူ အဆိုတော် R ဇာနည်၏ တစ်ကိုယ်တော်ရှိုး ဖျော်ဖြေပွဲက billboard များထက်တွင် ကတည်းက စိတ်ဝင်စားသူ ပြည့်နှက်နေခဲ့သည်။ ရှိုးပွဲကျင်းပမည့် ဒီဇင်ဘာလ ၂ ရက်နေ့ ညနေ ၆နာရီကျော်ကျော်တွင်တော့ ရှိုးပွဲပြုလုပ်မည့် သုဝဏ္ဏမိုးလုံလေလုံ အားကစားရုံရှေ့တွင် ရောင်စုံကားတန်းများနှင့် အရွယ်စုံပရိသတ်များအား တွေ့မြင်နေရသည်။ R ကြီး R ကြီး ဆိုသည့် အော်ဟစ်သံများကြားက ဖျော်ဖြေပွဲ စတင်နေသည်ကို တွေ့မြင်လိုက်ရသည်။

The Tree Band နှင့်အတူ R ဇာနည်က တေးသီချင်းများ စတင်သီဆိုပြီးနောက် အဆိုတော် Lဆိုင်းဇီ ကိုဖိတ်ခေါ်ကာ တွဲဖက်သီဆိုခဲ့သည်။ R ဇာနည်က ပရိသတ်အကြိုက် တေးသီချင်းများဖြင့် ဆက်လက်သီဆို ဖျော်ဖြေပြီးနောက် ‘သနပ်ခါးချစ်သူ’ တေးသီချင်းတွင် Star Int’l Models Agency မှ မော်ဒယ်လ်များ၏ သရုပ်ပြမှုနှင့် တင်ဆက်ခဲ့သည်။ ဆက်လက်၍ အဆိုတော်ဇော်ပိုင်ကို ဖိတ်ခေါ်သီဆိုခဲ့သည်။

R ဇာနည်က တေးသီချင်းများစွာနှင့် ဆက်လက်သီဆိုဖျော်ဖြေရာ အတိုင်အဖောက်ညီညီ လိုက်ပါသီဆိုရင်း၊ ပန်းစည်းများ၊ လက်ဆောင်ပစ္စည်းများ ပေးအပ်ရင်းနှင့် ဖျော်ဖြေပွဲကို ရှေ့ဆက်နေခဲ့သည်။ ထို့နောက် J-me ကို ဖိတ်ခေါ်၍ သီဆိုပေးခဲ့သည်။ J-me ၏ သီဆိုမှုအပြီးတွင် စင်မြင့်ဖျော်ဖြေပွဲများ၌ ရှစ်နှစ်ခန့်မျှ တစ်စုတစ်စည်းတည်း တွေ့မြင်ခွင့်မရသည့် အက်ဆစ်အဖွဲ့သားများကို စုံစုံညီညီ တွေ့မြင်ခဲ့ရစေသည့် R ဇာနည်နှင့် တွဲဖက်ဖျော်ဖြေမှုက ပရိသတ်အားပေးမှု အရှိန်အမြင့်တက်ဆုံး အချိန်သို့ ရောက်ရှိသွားစေခဲ့သည်။

R ဇာနည်က ညီဖြစ်သူ Mသီဟ၊ ဂျေမောင်မောင်တို့ကို ဖိတ်ခေါ်၍ တွဲဖက်သီဆိုပေးခဲ့သည်။ ထို့နောက် ၀ိုင်းစုခိုင်သိန်းနှင့်အတူ ‘လိုက်ဖက်တဲ့ဘ၀’ တေးသီချင်းကို ဆက်လက်သီဆိုပေးခဲ့သည်။

Rဇာနည်၏ တစ်ကိုယ်တော် ဖျော်ဖြေပွဲတွင် တစ်ဦးချင်းဖျော်ဖြေမှု အဖြစ်ရော၊ အဆိုတော်များနှင့် တွဲဖက် သီဆိုဖျော်ဖြေမှုအဖြစ်ပါ တေးသီချင်းအပုဒ် ၃၀ ကျော်ကို မမောနိုင်မပန်းနိုင် သီဆိုဖျော်ဖြေသွားသည့် အပြင် ပရိသတ်အားပေးမှုနှင့် ဟာမိုနီကျစေခဲ့သည့် ညလေးတစ်ညပင် ဖြစ်ပါတော့သည်။