ခရီးသွားများပြားမှုကြောင့် စင်ကာပူ၊ ကွမ်ကျိုးနှင့် ဂယာခရီးစဉ် များအား ဒီဇင်ဘာလမှ စတင်ကာ MAI လေကြောင်းလိုင်းမှ ခေါက်ရေ တိုးမြှင့် ပြေးဆွဲသွားမည်ဖြစ်ကြောင်း MAI မှ Marketing မန်နေဂျာ မအေးမရသာ၏ ပြောကြားချက် အရ သိရသည်။
MAI လေကြောင်းလိုင်းမှ ခေါက်ရေတိုးမြှင့်ပြေးဆွဲသွားမည့် ခရီးစဉ် များမှာ ရန်ကုန်-စင်ကာပူခရီးစဉ် အားတစ်ပတ်လျှင် ၁၂ ကြိမ်ပြေးဆွဲ ရာမှ ၁၄ ကြိမ်သို့လည်းကောင်း၊ ရန်ကုန်-ဂယာခရီးစဉ်အား တစ်ပတ်လျှင် နှစ်ကြိမ်ပြေးဆွဲနေရာမှ တစ်ပတ်လျှင် သုံးကြိမ်သို့ လည်းကောင်း၊ ရန်ကုန် - ကွမ်ကျိုးခရီးစဉ်အား တစ်ပတ်လျှင် နှစ်ကြိမ်ပြေးဆွဲနေရာမှ သုံးကြိမ်သို့လည်းကောင်း ခေါက်ရေများအား တိုးမြှင့်ပြေးဆွဲသွားမည် ဖြစ်သည်။
MAI လေကြောင်းလိုင်းသည် ရန်ကုန်-စင်ကာပူခရီးစဉ်အားနေ့စဉ် ပြေးဆွဲပေးလျက်ရှိပြီးထပ်မံတိုးမြှင့် ပြေးဆွဲမည့်အချိန်များမှာ ကြာသပတေး နှင့်တနင်္ဂနွေ မွန်းလွဲ ၂နာရီ ၁၅ မိနစ် အချိန်ကို လည်းကောင်း၊ ရန်ကုန်-ဂယာ ခရီးစဉ်ကို တစ်ပတ်လျှင် သုံးကြိမ် ဗုဒ္ဓဟူး၊ သောကြာနှင့် စနေနေ့ကို လည်းကောင်း၊ ရန်ကုန်-ကွမ်ကျိုး ခရီးစဉ်ကို အင်္ဂါ၊ ကြာသပတေးနှင့်စနေ နေ့များတွင် ထပ်မံတိုးချဲ့ပြေးဆွဲသွားရန် စီစဉ်ထားကြောင်း သိရှိရပါသည်။
0 comments:
Post a Comment
Commemr ပေးသွားခြင်းဖြင့်လည်းအားပေးနိုင်ပါတယ်